emma 的分享空間

今日係搬遷後的第二天，返工真係方便左，連搭車時間又短左，真好!不過新office比以前細左，座位與座位之間都好近，所以同事們都close左(KIKO除外)，我個位都OK，見圖(可惜係support位)。

係JD返工真係唔錯嫁，食野又方便，選擇又多D，仲平D tim，收工約人、去玩都方便，好處好似好多，但壞處都唔少，toilet好細囉，只有兩格，轉身都轉唔到(千奇唔好以為係我太肥)，pantry又細仲有D臭味，仲有呀，counter D客可以透過大玻璃望入嚟，感覺好似係動物園工作囉，完全無晒自由咁，最最最慘既事，係無得食煙，後樓梯又話禁煙，落街又唔得，問題係我又唔會去戎，所以真係煩煩煩...

 

好耐都未同大家分享啦!

我工作的地點快要搬啦，大部份同事都非常開心(當然包括我啦)，由原本金鐘搬到佐敦，變相返工就近左，連車費都平左，但係於工作上就會無以前咁方便，平時經常一起聊天一起食煙既朋友仔都相對少見了，3月18號就正式搬，真係好唔捨得啦!另外，我地阿姐(MABEL)唔做，真係有點唔慣，雖然平時她要求多多，依樣唔得，O個樣唔准，但係做事決斷，講野有條理，其實係一位好上司(不過可能有d CC同事會唔認同)，不過佢係公司係有一定POWER。

P.S.搬遷順利

為什麼?為什麼?為什麼?真係唔明白，點解伯變成咁嫁?早幾日突然有感而發，當找到另一半，剛開始的時候一定熱情如火，我相信每段感情都一定有開心同值得回憶的事，但往往一段感情要終止時，好多人就會唔記得過往一起快樂既日子，只係記得對方唔好的地方，最後分手仲做唔到朋友，最可惜大家共同的朋友都變得少聯絡甚至無聯絡，我覺得真係好可惜同唔值得。分手後為什麼不能做朋友呢?

Marry Christmas &Happy New Year!又過了一個聖誕夜，今個聖誕咁多位朋友仔過得happy嗎?記得細個O個陣，

年年都同爸媽去尖咀睇燈色，依家大過女啦，但係完全感受唔到有聖誕氣氛。

今年聖誕我去左朋友仔個wedding party，睇見王偉堅娶老婆，真係好替他開心，

佢個party好成功，仲好攪笑。願王偉堅兩公婆白頭到老，永結同心，永遠幸福。